... mid dadsächlich füng Brogramme is häisd'n'däisd vomm mee derzeid auf den frängischn und annern Bühna häisd'n'däisd vomm mee underwags:

Des Brogramm endhäld die Sahneschniddn vo die ledzdn Jahr und vo die Radio- und Fernsehsendunga vo "häisd'n'däisd vomm mee". Danäber senn einicha bersönlicha Lieblingsschdüggli vo die Musigger dabei. Des ideale Brogramm für alla, wu mid "häisd'n'däisd vomm mee" groaß worn senn und so hedzerd "Aus'm Gröbsdn raus" senn.

Seid 1998 senn die Jungs vomm mee in ihrer uhverwaxlborn Ord, gebrächd vo grosser Lusd am Musigmachn und a mords Gaudi überall derhemm, wu's was zum schbieln geid.

Rachd saldn had mer bloß derlebbd, dess Musig und frängische Ord in derra Ord und Weisn zamm kumma senn.
Sou brobierd mer schdändich alda Sachn nöi zu erfinna, abber dabei nöia Sachn nid ald wer zu lassn.

Ihr dörfd also gschbannd sei, wenn hedzerd endli "häisd'n'däisd vomm mee" "Aus'm Gröbsten raus" is.
 


Des is zum Heuln!

Under dem Didl wern Dhemen aufgegriffen, die so unerwarded wie alldäglich senn. Dazu kumma die gewohnde musikalische Verduosidäd und Vielfäldichkeid der Musigger einmannfrei zum Droochn.

Des ölles, zusamma mid hindersinnichm Humor, wu ah der gridische Bligg immer mid dabei is, geid a Mischung, die em Freudendräna nein Aach nei dreibn.

Es is doch werglich zum Heuln!


Aus Aldem werd Neues und Neues werd, wenn's ald genuch is, nu älder. So hörder in dem Brogramm alds Zöüch (warum spielder des ned widermall) und ah nöüs Zöuch (des hab ich ja noch nie vo euch ghörd. Is des neu??).

Ohrn auf!


Der Nama is Brogramm: "Nä, ich hald mei Goschn ned!“ hessd des Bamfled gecher Duggmäuserei. Es werd kee kee Bladd vor die Goschn genumma und, wie allerweil, frank & frei zum Dhema gemachd, was 'es beloodana frängischa Musigerhardz beschäfdichd.


Mid ächana Schdüggli verzehln die sechs Kaschber vo Frangn vo "häisd'n'däisd vomm mee", schbassich und ums Egg übers Lahm. Mid Wordwidzli und Schbrechgsang senn sa hald einfach dybisch frängisch. Vielfäldichkeid, än Haufn Selbsdironie und diefgründicha Lausbuberord sen dabei ihr Zächn.